ખબર કનેક્ટ ન્યુઝ નેટવર્ક, જામનગર :
જામનગર 79 ઉત્તર વિધાનસભાના ધારાસભ્ય દિવ્યેશ અકબરીના જન્મદિવસની મોડી રાત્રે મિત્રો શુભેચ્છકોએ લેઉવા પટેલ સેવા સમાજના ચોકમાં ઉત્સાહભેર ઉજવણી કરી હતી.
જામનગરના સાંસદ પૂનમબેન માડમ, શહેર ભાજપ અધ્યક્ષ ડો. વિમલભાઈ કગથરાએ પરિવાર સાથે અને સ્ટેન્ડિંગ ચેરમેન મનીષભાઈ કટારીયા ઉપરાંત કોર્પોરેટરો અને ભાજપના યુવા મોરચાના કાર્યકરો ઉપરાંત પટેલ સમાજના યુવાનો અને સ્નેહીજનોએ 46માં જન્મદિવસ નિમિત્તે શુભેચ્છા પાઠવી હતી.
14 જાન્યુઆરીની મધ્યરાત્રી એ રણજીત નગર પટેલ સમાજના ચોકમાં આતશબાજી સાથે શુભેચ્છકોએ મીઠાઈ અને કેક લાવી ઉમળકાભેર ભાજપના તાજેતરમાં જ બહુમતી થી ચૂંટાયેલા ધારાસભ્ય દિવ્યેશ અકબરીને જન્મદિવસની વધાઈ આપી હતી અને શુભેચ્છાઓનો ધોધ વહાવ્યો હતો.
