ખબર કનેક્ટ ન્યુઝ નેટવર્ક, જામનગર :
હાલ લોકશાહીના પર્વ ચૂંટણીનું મતદાન થઈ રહ્યું છે ત્યારે, લોકસભાની આ ચૂંટણીમાં મતદાતાઓ ઉનાળાના ધમધોમતા તાપ વચ્ચે પણ મતદાન કરવા જઈ રહ્યા છે. ત્યારે જામનગરના જાણીતા બિલ્ડર પોતાની કીમતી કાર સાથે મતદાન કરવા પહોંચતા લોકોમાં આકર્ષણનું કેન્દ્ર બન્યા છે.
જામનગરના જાણીતા બિલ્ડર મેરામણ પરમાર પોતાના પત્ની કિર્તીબેન સાથે તેમના નિવાસ્થાનેથી કિંમતી રોલ્સ રોયલ કારમાં સવાર થઈ અંબર સિનેમા નજીક આવેલ ડી. એસ. ગોજીયા હાઇસ્કુલ ખાતે પહોંચ્યા હતા અને લોકસભાની આ ચૂંટણીમાં પોતાના મતાધિકારનો ઉપયોગ કરી લોકોને પણ મતદાન કરવા અપીલ કરી હતી. કરોડોની રોલ્સ રોયલ કાર સાથે આવેલા મેરામણભાઇ પરમાર જામનગરના લોકોની ચૂંટણી દરમિયાન એન્ટ્રી થતા જ ઉત્સુકતા સાથે આકર્ષણનું કેન્દ્ર બન્યા હતા.
